نئی دہلی:11 /اپریل(ایس اونیوز /آئی این ایس انڈیا) گریٹر نوئیڈا کے بسہڑا گاؤں میں گوشت کو لے کر ہوئے ہنگامہ میں ہلاک اخلاق کے خاندان نے جمعرات کو دادری میں ووٹ دیا۔پہلے اس قسم کی خبریں آئی تھیں کہ ان کا نام ووٹر لسٹ میں نہیں ہے۔گریٹر نوئیڈا کے بسہڑا گاؤں میں گوشت کی افواہ میں ہلاک اخلاق کے خاندان بساہڑا سے منتقل کر چکا ہے، اب بساہڑا میں خاندان کا کوئی نہیں رہتا، لہذا وہاں کے ووٹر لسٹ میں ان کا نام نہیں ہے۔اخلاق کے قتل کے بعد حکومت کی طرف سے اخلاق کے بھائی اور خاندان والوں کو دادری میں رہنے کے لئے فلیٹ ملا تھا، خاندان کے کل 9 لوگوں کا وہاں کی ووٹر لسٹ میں نام ہے۔اخلاق کے بھائی جان محمد نے بات چیت میں اس بات کی تصدیق کی۔جان محمد کا کہنا ہے کہ خاندان کے تمام لوگوں نے دادری میں آج ووٹ بھی ڈالا ہے، اخلاق کے خاندان کے کچھ لوگ دہلی میں بھی رہتے ہیں ابھی وہاں کی ووٹر لسٹ میں ان کا نام ہے۔بتا دیں کہ 2015 میں بیف رکھنے کے شبہ میں پیٹ پیٹ کر مار دیئے گئے اخلاق کے خاندان کا نام ووٹر لسٹ سے غائب ہونے کی خبر آئی تھی۔بیف رکھنے کی افواہ کی وجہ سے لوگوں نے اخلاق نام کے شخص کا پیٹ پیٹ کر قتل کر دیا تھا۔اس واقعہ میں میت کے بیٹے کو بھی سنگین چوٹ آئی تھی،جس کے بعد یوپی کے اس وقت کے وزیر اعلی اکھلیش یادو نے واقعہ کی سخت مذمت کرتے ہوئے تحقیقات کا حکم دیا تھا۔اخلاق قتل میں اترپردیش پولیس نے کہا تھا کہ قتل گوشت کی افواہ کے چلتے کی گئی تھی۔